လူသားတိုင်းရဲ့ကျန်းမာရေးအတွက်အကောင်းဆုံးအစားအစာများ

စာဖတ်ပရိသတ်ကြီးကို ယခုတင်ဆက်ပေးမှကတော့ာ လူသားတိုင်းရဲ့ ကျန်းမာရေးအတွက် အကောင်းဆုံးအစားအစာများအကြောင်းကိုတင်ဆက်ပေးလိုက်တာဖြစ်ပါတယ် ။

ကျန်းမာရေးနဲ့ ညီညွတ်တဲ့ အစားအစာတွေကို စားသုံးရင် စိတ်ရော ၊ ကိုယ် ကျန်းမာစေပါတယ်။ အစားကောင်းကောင်းစားရင် စိတ်ပျော်ရွှင်ပြီး၊ အာရုံစိုက်မှုကောင်းကာ အလုပ်ပိုတွင်စေပါတယ် ။ ဒါကြောင့် ဗီတာမင်နဲ့ သတ္တုဓာတ်တွေ ကြွယ်ဝတဲ့ ကမ္ဘာပေါ်ရှိ ကျန်းမာရေးအတွက် အကောင်းဆုံး အစားအစာများကို ဝေမျှပေးချင်ပါတယ် ။

သံပုရာသီး

ကမ္ဘာပေါ်မှာ ကျန်းမာရေးအတွက် အကောင်းဆုံးအသီးလို့ကို ဆိုရမှာပါ ။ ရောင်ရမ်းတာတွေ လျော့ကျစေပြီး ကင်ဆာဆဲလ်တွေ ပေါက်ပွားကြီးထွားမှုတွေကိုလည်း ဖယ်ရှားပေးပါတယ်။ ဗီတာမင်စီပါဝင်မှုကလည်း လိမ္မော်သီးထက်များပါတယ် ။

သစ်ကြားသီး

သစ်ကြားသီးက တခြား အခွံမာအသီးတွေထက် Antioxidants ဓာတ်တွေပို ပါဝင်ပြီး ဗီတာမင် E၊ Omega 3 ဓာတ်နဲ့တခြား ကျန်းမာရေးနဲ့ ညီညွတ်တဲ့ အဆီဓာတ်တွေပါဝင်ပါတယ် ။ Antioxidants ဓာတ်တွေက ဆဲလ်တွေ ပျက်စီးမှုကနေ ကာကွယ်ပေးပြီး ဆဲလ်အသစ်တွေဖြစ်ပေါ်ဖို့ကိုလည်း ကူညီပေးတာကြောင့် ကင်ဆာဖြစ်ပွားမှုကနေ ကာကွယ်ပေးပါတယ် ။ သစ်ကြားသီးကို အဆာပြေ အစားအစာအဖြစ် အချိန်မရွေးနေရာမရွေး စားနိုင်ပါတယ် ။

Spinach( ဟငိးနုနွယ်ရွက်)

Spinach အရွက်မှာ ကယ်လိုရီပါဝင်မှုနည်းပြီး ၊ ဗီတာမင် A ၊ ဗီတာမင် K နဲ့ တခြား ခန္ဓာကိုယ်အတွက် လိုအပ်တဲ့ ဖော်လစ်အက်ဆစ်တွေပါဝင်ပါတယ် ။ ကြက်သွန်နဲ့သုတ်စား ၊ ဒီအတိုင်း ကြော်စားတာဖြစ်ဖြစ်၊ ကြက်ဥကြော်နဲ့ ထည့်ကြော်ပြီး စားတာဖြစ်ဖြစ် စားသုံးလို့ရပါတယ် ။

ပဲစေ့နက် (Black Beans)

ပဲစေ့နက် (Black Beans) မှာ Antioxidants ဓာတ်တွေအများကြီးပါဝင်ပြီး ဗိုက်ကို လည်း အချိန်အကြာပြည့်နေမှာပါ ။ ကယ်ဆီယမ် ၊ ပရိုတင်းနဲ့ အမျှင်ဓာတ်တွေလည်း အများကြီးပါဝင်တဲ့အပြင် အရသာလည်း ရှိပါတယ် ။

ထောပတ်သီး

တစ်ပတ်ကို ထောပတ်သီး ၁လုံး ၊ ၂လုံးလောက်စားရုံနဲ့ ဗီတာမင် B6၊ ဖော်လစ် (Folate) ဓာတ်တွေအများကြီး ရရှိမှာဖြစ်ပါတယ် ။

အမည်းရောင် ချောကလပ်

အမည်းရောင် ချောကလပ်မှာ Antioxidants ဓာတ်တွေက အသီးတွေထက်ပိုများပါတယ် ။ အဲ့ဒီအပြင် နှလုံးနဲ့ပတ်သက်တဲ့ ရောဂါတွေကို ကာကွယ်ပေးနိုင်စွမ်းရှိပြီး စိတ်ခံစားချက်တွေကိုလည်း ကောင်းမွန်စေပါတယ် ။ ဒါကြောင့် စိတ်ဓာတ်ကျနေရင် အမည်းရောင် ချောကလပ်ကို စားသုံးပါ ။

ကြက်သွန်ဖြူ

ကြက်သွန်ဖြူကို ဆေးဘက်ဝင် အဖြစ် နှစ်ရာနဲ့ချီပြီး နိုင်ငံတော်တော်များများမှာ အသုံးပြုလာကြပါတယ် ။  ဘက်တီးရီးယားတွေ ပေါက်ပွားမှုကို လျော့ပါးစေပြီး ကိုလက်စထရောနဲ့ သွေးဖိအားကို ကျစေကာ ရောင်ရမ်းတာတွေကို လျော့ကျစေပါတယ်