Health Knowledge

အဖိုးနည်းပေမယ့်တန်ဖိုးကြီးလှတဲ့ဆေးဖက်ဝင်ရုံးပတီသီး

စာဖတ်ပရိသတ်ကြီးကို ယခုတင်ဆက်ပေးမှကတော့ာ အဖိုးနည်းပေမယ့် တန်ဖိုးကြီးလှတဲ့ဆေးဖက်ဝင်ရုံးပတီသီးအကြောင်းကိုတင်ဆက်ပေးလိုက်တာဖြစ်ပါတယ် ။

စိမ်းစိမ်းစိုစိုနဲ့ စားချင်စဖွယ်အသီးတစ်မျိုးဟာ ရုံးပတီသီးပါ ။  မိုးရာသီဆို ပိုလတ်ဆတ်ပြီး ပိုလည်းဈေးပေါတဲ့အသီးပါ ။ ဟင်းချက်စားလေ့ရှိပြီး အရှေ့တောင် အာရှနိုင်ငံတွေမှာလည်း စားကြပါတယ် ။  တစ်ပိုင်တစနိုင် အိမ်မှာလည်း စိုက်ပျိုးလို့ ရတဲ့ အပင်မျိုးပါ ။ ရုံးပတီသီးကို ကြော်စားချက်စားကြတာအပြင် ဆီးချိုအတွက် ကောင်းတယ်ဆိုတဲ့အတွက် ရေစိမ်ပြီးတော့လည်း သောက်ကြပါတယ် ။

ရုံးပတီသီးမှာ အမျှင်ဓာတ် ၊ ပရိုတင်း ၊ ကာဗွန်ဟိုက်ဒရိတ် ၊ ဗီတာမင်အေ ၊ ဗီတာမင်စီ ၊ ဖောလစ်အက်ဆစ် ၊  ကယ်လ်ဆီယမ် ၊ သံဓာတ် ၊ ပိုတက်ဆီယမ်နဲ့ မက်ကနီဆီယမ်တို့ ပါဝင်ပါတယ် ။ ရုံးပတီသီးကနေ ပေးတဲ့ အဓိက အကျိုးကျေးဇူးကတော့ နှလုံးကို ကာကွယ်ပေးခြင်း ၊ အရိုးသန်မာခြင်း ၊ ဆီးချိုကို ထိန်းပေးခြင်း ၊ ရောင်ရမ်းခြင်းတို့ကို သက်သာစေခြင်းနဲ့ သွေးပေါင်ချိန် ထိန်းပေးခြင်းတို့ ဖြစ်ပါတယ် ။ တစ်ခြား အကျိုးပြုတဲ့ အချက်တွေလည်း ရှိပါသေးတယ် ။

ရုံးပတီသီးရဲ့ အမျှင်ဓာတ်ဟာ ၀မ်းချုပ်ခြင်းကို သက်သာစေပါတယ် ။ အူကို ပုံမှန်အလုပ်လုပ်စေပြီး အူကို ထိခိုက်စေမယ့် အရာတွေကို ကာကွယ်ပေးပါတယ် ။ သွေးထဲက ကိုလက်စထရောနဲ့ အဆိပ်တွေကို လျှော့ချပေးပါတယ် ။ ရုံးပတီသီးရဲ့ ခပ်ချွဲချွဲဟာ အသည်းကနေ အဆိပ်တွေကို ထုတ်ပေးနိုင်ပါတယ် ။ (ဒါကြောင့် အမြည်းအနေနဲ့ ရုံးပတီသီးကင်စားကြတာနေမယ်) သွေးထဲက သကြားဓာတ်ကို ထိန်းပေးနိုင်တာကြောင့် ဆီးချိုသမားတွေကို ကူညီပေးနိုင်တဲ့ အကောင်းဆုံး အသီးပါ ။

ရုံးပတီသီးရဲ့ Antioxidant ဟာ သွေးကြောနံရံတွေကို ကာကွယ်ပေးပြီး သွေးခဲတာတွေကို မဖြစ်စေပါဘူး ။ ဗီတာမင်စီကြောင့်လည်း နှလုံးကျန်းမာရေးကို ကာကွယ်ပြီးသား ဖြစ်စေပါတယ် ။ Potassium၊ Magnesium တို့ကြွယ်ဝသဖြင့် သွေးပေါင်ချိန်ကို ကျစေနိုင်ပါတယ် ။ မဂ္ဂနီဆီယမ်သည် ကိုလက်စထရောနှင့် သွေးတိုးရောဂါကို ထိန်းချုပ်ပေးပါတယ် ။ အရိုးအဆစ်တွေ သန်မာဖို့ အတွက် လိုအပ်တဲ့ ဓာတ်ပေါင်းစုတွေဟာရုံးပတီသီးထဲမှာ ပါဝင်ပါတယ် ။ ရုံးပတီသီးကို အာဟာရဓာတ်တွေ မပယ်စေဖို့ အပူအလွန်အကျွံပေးခြင်းကို သတိထားပါ ။